По церковному календарю 31 августа почитается память святых Флора и Лавра Иллирийских. Также 31 августа — день почитания иконы Богородицы Всецарица.
В народном календаре день Флора и Лавра 31 августа еще называли Лошадиный праздник. В последний день лета любые работы с лошадьми были под запретом. Как и в другие дни, в последний день лета лучше воздержаться от любых конфликтов, ссор и выяснения отношений, особенно с родными и близкими людьми. Согласно старинному поверью, ссора в этот день может перерасти в длительную вражду.
К святым Флору и Лавру обращаются с молитвами об отвращении от духовных и телесных страстей и просят помощи в любых нуждах, которые касаются домашних животных — о здоровье домашних животных, об их исцелении, о хорошем приплоде домашнего скота.
Тропарь мученикам Флору и Лавру Иллирийским, глас 4
Преудо́бренную и богому́друю дво́ицу пресве́тлую/ восхва́лим, ве́рнии, по достоя́нию,/ Фло́ра преблаже́ннаго и Ла́вра всечестна́го,/ и́же усе́рдно Тро́ицу несозда́нную я́сно пропове́дасте всем,/ те́мже пострада́вше до кро́ве,/ и венцы́ пресве́тлыми увязо́стеся,// моли́теся Христу́ Бо́гу, да спасе́т ду́ши на́ша.
Кондак мученикам Флору и Лавру Иллирийским, глас 8
Я́ко благоче́стия му́ченики и страда́льцы Христо́вы Богому́дрены,/ вселе́нная пресла́вно почита́ет Фло́ра и Ла́вра днесь,/ я́ко да улучи́м благода́ть и ми́лость моли́твами их// и изба́вимся бед и напа́стей, гне́ва же и ско́рби в День Су́дный.
Молитва мученикам Флору и Лавру Иллирийским
Прехва́льнии му́ченицы Фло́ре и Ла́вре, вас не земля́ потаи́ла есть, но Не́бо прия́т вы, во е́же бы́ти вам моли́твенники и предста́тели о чту́щих с любо́вию честну́ю па́мять ва́шу. Моли́теся же за ны, трудолю́бцы незло́бивии, да подви́гнет Госпо́дь и нас, в труде́х и утесне́нии су́щих, к де́ланию за́поведей Его́, да не то́кмо о пи́щи и питии́, но и о е́же ка́ко угоди́ти Го́сподеви попече́мся; споболи́те печа́лем и воздыха́нием на́шим, и да не озло́бятся до конца́ ду́ши на́ша, но да возгоря́тся любо́вию друг ко дру́гу, да пребу́дем в ми́ре и единомы́слии, я́коже и вы, самобра́тнии блаже́ннии. Наипа́че же утверди́те ны в ве́ре святе́й и пра́вей, ю́же иму́ще в сердца́х на́ших, не устраши́мся в поноше́нии и униже́нии и вся́ких обстоя́ниих, и́миже одержи́ми есмы́, но, я́ко испыта́ние си́лы ве́ры на́шея с благодаре́нием сие́ прии́мше, до́брое испове́дание соблюде́м, в не́мже и пре́йдем от юдо́ли сей в ве́чное Ца́рствие Го́спода на́шего, Ему́же сла́ва и держа́ва во ве́ки веко́в. Ами́нь.
К Богородице Всецарица обращаются онкологические больные, дети и их родители, просят об исцелении от этого страшного заболевания. Также Богородица Всецарица помогает избавиться от алкогольной и наркотической зависимости, ее просят об исцелении от беснования, о помощи в обретении детьми истинного пути, о спасении от недоброжелательных людей, об успокоении при приключившихся несчастьях и бедах, о защите от стихийных бедствий.
Тропарь Пресвятой Богородице пред иконой Ея «Всецарица», глас 4
О́бразом радостотво́рным честны́я Всецари́цы,/ жела́нием те́плым взыска́ющих благода́ти Твоея́ спаси́, Влады́чице,/ изба́ви от обстоя́ний к Тебе́ прибега́ющих;/ от вся́кия напа́сти огради́ ста́до Твое́,// к заступле́нию Твоему́ взыва́ющее при́сно.
Кондак Пресвятой Богородице пред иконой Ея «Всецарица», глас 8
Новоявле́нней ико́не Богоро́дице Всецари́це предстоя́ще/ и на лик Тоя́ взира́юще,/ со умиле́нием и любо́вию глаго́лем:/ низпосли́, Влады́чице, цельбы́ к Тебе́ притека́ющим,/ и пода́ждь утеше́ние в ско́рби су́щим,/ да, восприе́мше ми́лость, благода́рне воззове́м Ти:// Ра́дуйся, Всецари́це, неду́ги на́ша благода́тию исцеля́ющая.
Молитва Пресвятой Богородице пред иконой Ея «Всецарица»
О, Всеблага́я, досточу́дная Богоро́дице Пантана́сса, Всецари́це! Несмь досто́ин, да вни́деши под кров мой, но я́ко ми́лостиваго Бо́га любоблагоутро́бная Ма́ти, рцы сло́во, да исцели́тся душа́ моя́ и укрепи́тся немощству́ющее те́ло мое́. И́маши бо держа́ву непобеди́мую, и не изнемо́жет у Тебе́ всяк глаго́л, о Всецари́це! Ты за мя упроси́, Ты за мя умоли́, да просла́вляю пресла́вное и́мя Твое́ всегда́, ны́не и в безконе́чныя ве́ки. Ами́нь.
Молитва 2-я Пресвятой Богородице пред иконой Ея «Всецарица»
О, Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю пренесе́нною, при́зри на чад Твои́х, неисце́льными неду́ги стра́ждущих, ко свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною Наде́ждою бу́ди. Та́мо, иде́же лю́тыя ско́рби превозмога́ют, терпе́нием и осла́бою яви́ся. Та́мо, иде́же мрак отчая́ния в ду́ши всели́ся, да возсия́ет неизрече́нный свет Божества́! Малоду́шныя уте́ши, немощны́я укрепи́, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о Всеми́лостивая Цари́це! Ум и ру́ки врачу́ющих нас благослови́, да послу́жат ору́дием Всемо́щнаго Врача́ Христа́ Спа́са на́шего. Я́ко живе́й Ти, су́щей с на́ми, мо́лимся пред ико́ною Твое́ю, о Влады́чице! Простри́ ру́це Твои́, испо́лненныя исцеле́ния и врачбы́, ра́досте скорбя́щих, в печа́лех утеше́ние, да чудотво́рную по́мощь ско́ро получи́вше, прославля́ем Живонача́льную и Неразде́льную Тро́ицу, Отца́ и Сы́на и Свята́го Ду́ха во ве́ки веко́в. Ами́нь.
Всем крепкого здоровья и благополучия! Берегите себя!
